இலங்கை அருகே ஆழ்ந்த காற்றழுத்த தாழ்வு நிலை வலுப்பெற்று வருவதால் சிவப்பு எச்சரிக்கை விடுக்கப்பட்டுள்ளது

எச்சரிக்கையின்படி, தென்மேற்கு வங்கக் கடலில் உருவான காற்றழுத்த தாழ்வு மண்டலம் தீவிர காற்றழுத்த தாழ்வு மண்டலமாக மாறியுள்ளது. நவம்பர் 26, 2024 காலை 11:00 மணியளவில் மட்டக்களப்புக்கு சுமார் 170 கிலோமீற்றர் மற்றும் திருகோணமலைக்கு 240 கிலோமீற்றர் தென்கிழக்கே இந்த அமைப்பு அமைந்திருந்தது.

இது தீவின் கிழக்குக் கடற்கரைக்கு அருகில் நகர்ந்து நவம்பர் 27ஆம் தேதி சூறாவளி புயலாக மேலும் தீவிரமடையும் என்று ஆலோசனை கூறுகிறது.

அமைப்பின் செல்வாக்கின் கீழ் தீவின் பெரும்பாலான பகுதிகளில் வானம் மேகமூட்டத்துடன் காணப்படும், வடக்கு, வடமத்திய, கிழக்கு, ஊவா, வடமேற்கு மற்றும் மத்திய மாகாணங்களில் மிக பலத்த மழை மற்றும் பலத்த காற்று வீசக்கூடும்.

இதேவேளை, நாட்டின் பெரும்பாலான இடங்களில் அவ்வப்போது மழையோ அல்லது இடியுடன் கூடிய மழையோ பெய்யக் கூடிய சாத்தியம் காணப்படுவதுடன், வடக்கு, வடமத்திய, கிழக்கு, மத்திய, ஊவா மற்றும் தென் மாகாணங்களிலும் புத்தளம் மாவட்டத்திலும் சில இடங்களில் 200 மில்லிமீற்றருக்கும் அதிகமான கடும் மழை பெய்யக் கூடிய சாத்தியம் காணப்படுகின்றது.

நாட்டின் ஏனைய பகுதிகளில் 100 மில்லிமீற்றருக்கும் அதிகமான பலத்த மழை பெய்யக்கூடும் என வளிமண்டலவியல் திணைக்களம் தெரிவித்துள்ளது.

காற்றின் வேகமானது அவ்வப்போது மணித்தியாலத்துக்கு 60-70 கிலோ மீற்றர் வரை அதிகரிக்கக் கூடும் என்பதால், நாட்டைச் சூழவுள்ள ஆழமான மற்றும் ஆழமற்ற கடற்பரப்புகள் கொந்தளிப்பாகவும் மிகவும் கொந்தளிப்பாகவும் காணப்படும். நாட்டைச் சூழவுள்ள சில இடங்களில் மிக பலத்த மழை அல்லது இடியுடன் கூடிய மழை பெய்யக்கூடும்.

மட்டக்களப்பிலிருந்து திருகோணமலை ஊடாக காங்கேசன்துறை வரையான கரையோரப் பகுதிகளுக்கு அப்பாற்பட்ட கடற்பரப்புகளில் சுமார் 2.5-3.0 மீ உயரத்திற்கு (இது நிலப்பரப்புக்கானது அல்ல) அலைகள் அதிகரிக்கலாம். மட்டக்களப்பிலிருந்து திருகோணமலை ஊடாக காங்கேசன்துறை வரையான கரையோரப் பகுதிகளுக்கு அண்மித்த கரையோர கடற்பரப்புகளில் அலைகள் சீற்றம் காரணமாக எழுச்சி ஏற்படுவதற்கான சாத்தியக்கூறுகள் காணப்படுகின்றன.

கடற்படை மற்றும் மீனவ சமூகங்கள் மறு அறிவித்தல் வரை தீவைச் சுற்றியுள்ள ஆழமான மற்றும் ஆழமற்ற கடல் பகுதிகளுக்குச் செல்ல வேண்டாம் என எச்சரிக்கப்பட்டுள்ளது.

இது தொடர்பில் வளிமண்டலவியல் திணைக்களத்தினால் வெளியிடப்படும் எதிர்கால ஆலோசனைகள் தொடர்பில் அவதானமாக இருக்குமாறும் கேட்டுக் கொள்ளப்படுகிறார்கள்.

இதேவேளை, எதிர்வரும் நவம்பர் மாதம் 26ஆம் திகதி முதல் நவம்பர் 27ஆம் திகதி வரையான காலநிலை சீரற்ற காலநிலை தொடர்பில் அவதானமாக இருக்குமாறு பொதுமக்களிடம் கோரப்பட்டுள்ளது.

பொதுமக்கள் அவசர உதவிக்காக உள்ளூர் அனர்த்த முகாமைத்துவ அதிகாரிகளை தொடர்பு கொள்ளுமாறும் இது தொடர்பில் வளிமண்டலவியல் திணைக்களத்தினால் வழங்கப்படும் எதிர்கால ஆலோசனைகள் குறித்து அவதானமாக இருக்குமாறும் கேட்டுக்கொள்ளப்படுகிறார்கள்.