ஹம்பாந்தோட்டை மற்றும் தனமல்வில பகுதிகளைச் சுற்றி இன்று
இரவு 9.20 மணியளவில் லேசான நில நடுக்கம் ஏற்பட்டது. புவியியல் ஆய்வு மற்றும் சுரங்க பணியகம் கூறுகையில், ஹம்பாந்தோட்டையில் 2.0 ரிக்டர் அளவு நிலநடுக்கம் பதிவாகியுள்ளது. அனர்த்த முகாமைத்துவ மத்திய நிலையத்தின் தகவல்களின்படி, இதுவரை சேதங்கள் எதுவும் பதிவாகவில்லை. இன்று முன்னதாக, யாழ்ப்பாணத்திலிருந்து 610 கிமீ தொலைவில் வங்காள விரிகுடாவில் 5.1 ரிக்டர் அளவு நிலநடுக்கம் பதிவாகியுள்ளது. அந்த நடுக்கத்தால் இலங்கைக்கு எந்த அச்சுறுத்தலும் இல்லை என்று வானிலை மையம் தெரிவித்துள்ளது.
