இலங்கை கிரிக்கெட் அணி குறித்து சமூக வலைதளங்களில் பரவி வரும் விமர்சனப் பதிவுகளின் பின்னணியில் சில கிரிக்கெட் வீரர்கள் இருப்பதாக அந்த அணியின் தலைவர் வனிந்து ஹசரங்க குற்றம்சாட்டியுள்ளார்.
T20 உலகக் கிண்ணப் போட்டியில் விளையாடி இன்று நாடு திரும்பியதும் பண்டாரநாயக்க சர்வதேச விமான நிலையத்தில் செய்தியாளர்கள் எழுப்பிய கேள்விகளுக்கு பதிலளிக்கும் போதே அவர் இவ்வாறு குறிப்பிட்டுள்ளார்.
"இந்த விமர்சனப் பதிவுகளுக்கு பொறுப்பான நபர்கள் பற்றி நாங்கள் அறிவோம்" என்று ஹசரங்க கூறினார்.
"சிலர் சமூக ஊடகங்களில் அதிக கவனத்தை ஈர்ப்பதற்காக மட்டுமே பக்கங்களை உருவாக்குகிறார்கள் மற்றும் முக்கியமான உள்ளடக்கத்தைப் பகிர்ந்து கொள்கிறார்கள். துரதிர்ஷ்டவசமாக, சில கிரிக்கெட் வீரர்களும் இதில் ஈடுபட்டுள்ளனர். சமூக ஊடகங்களின் தன்மையைப் பற்றி நாம் செய்யக்கூடியது எதுவுமில்லை."
அணியின் செயல்பாடு குறித்து உரையாற்றிய ஹசரங்க, போட்டியிலிருந்து அணி முன்கூட்டியே வெளியேறியதால் ரசிகர்கள் அடைந்த ஏமாற்றத்தை ஒப்புக்கொண்டார். அணி செய்த தவறுகள்தான் தங்கள் வீழ்ச்சிக்கு காரணம் என்று ஒப்புக்கொண்டார்.
