திரையுலகின் தல அஜித் என்றால், கிரிக்கெட் உலகின் தல என்று ரசிகர்களால் அழைக்கப்பட்டு வருபவர் இந்திய கிரிக்கெட் அணியுஇன் முன்னாள் கேப்டனான தோனி.
இந்நிலையில் தோனியின் விளம்பர படப்பிடிப்பு சென்னை சாலிகிராமத்தில் உள்ள கோகுலம் ஸ்டுடியோவில் நடந்தது. அங்கே தளபதி விஜய்யின் பீஸ்ட் படப்பிடிப்பும் நடைபெற்று வருகிறது. இதை அறிந்த இருவரும் ஒருவரையொருவர் சந்திக்க ஆவல் கொண்டிருந்திருக்கிறார்கள். இது கோகுலம் ஸ்டுடியோ ஃப்ளோர் மேனேஜருக்கு தெரிய வந்ததும் இருவரையும் சந்திக்க வைத்துள்ளார். தோணியைச் சந்தித்தபோது தனது காரா வேனுக்கு வந்து தேநீர் அருந்த வரும்படி விஜய் தோணியை அழைத்துள்ளார். அதை ஏற்ற தோணி விஜய்யின் அன்பான உபசரிப்பில் நெகிழ்ந்துள்ளார். அந்த சந்திப்பில் இருவரும் 30 நிமிடங்களுக்குமேல் மனம் விட்டுப் பேசியுள்ளனர். அந்தப் புகைப்படங்களை சமூக வலைதளங்களில் வெளியாகி பிரபலமாகி வருகின்றன. ‘உண்மையான தலையைச் சந்தித்தார் தளபதி’ என்று விஜய் ரசிகர்கள் சிலர் அஜித் ரசிகர்களைச் சீண்டி வருகின்றனர்.
