ரொட்டடாமில் 'விடுதலை' பார்வையாளர் விருப்பில் முன்னேறுகிறது !

விழாவின் தொடக்கம் முதலே பார்வையாளர் விருப்பில், முதலாவது இடத்தில், போலந்து படமான, Green Border இருந்து வருகிறது. இந்தப்படம், போலந்துக்கும் பெலாரஸுக்கும் இடையிலான எல்லை மூலம், ) தங்கள் உயிரைப் பணயம் வைத்து ஐரோப்பிய ஒன்றியத்துக்குள் அகதிகளாக வருபவர்கள், புவிசார் அரசியல் சதுரங்கத்தில் எவ்வாறு சிக்கிக்கொள்கின்றார்கள் என்பது குறித்த அரசியற்படம். இப் படம் இது வரை 4.824 விருப்பு வாக்குகளினால் முன்னிலையிலேயே இருக்கின்றது. இப் படத்திற்கான காட்சிகள் அனைத்துக்குமான நுழைவுச் சீட்டுக்கள் முன்னதாகவே விற்பனையாகிவிட்டன.

இப்படத்திற்கு அடுத்து இப்போது, வெற்றிமாறனின் (Viduthalai I & II) விடுதலை படம், 4.729 விருப்பு வாக்குகள் பெற்று இரண்டாவது இடத்தில் கடும் போட்டியில் முன்னேறி வருவதை IFFR ன் இணையத்தளப் புள்ளி விபரங்கள் காட்டுகின்றன. முன்னதாக இந்த விரும்பு வரிசையில் , கார்த்திக் சுப்ராஜின், 'ஜிகிர்தண்டா டபுள் எக்ஸ்" படமும் முன்னிலை விருப்பில் இருந்தமை குறிப்பிடத்தக்கது.