கிரிக்கெட் ஜாம்பவான் ஷேன் வார்ன் மாரடைப்பு காரணமாக இன்று காலமானார்.
ஓய்வுக்கு பிறகு கிரிக்கெட் வர்ணனையாளராக ஷேன் வார்ன் இருந்து வந்தார். மேலும் 55 ஐபிஎல் போட்டிகளிலும் ஷேன் வார்ன் விளையாடி உள்ளார். ஐபிஎல் தொடரின் முதல் வெற்றி கோப்பையை தட்டி சென்ற ராஜஸ்தான் ராயல்ஸ் அணிக்கு ஷேன் வார்ன் கேப்டனாக இருந்தார் என்பது குறிப்பிடத்தக்கது.
அண்மையில் தாய்லாந்து நாட்டிற்கு விடுமுறையை கழிப்பதற்காக ஷேன் வார்ன் சென்றுள்ளார். இந்நிலையில் இன்று, தாய்லாந்து நாட்டில் உள்ள தனது பண்ணை வீட்டில், பேச்சு மூச்சற்ற நிலையில் ஷேன் வார்ன் கிடந்ததாகவும், சிறப்பு மருத்துவக் குழுவினர் தீவிர சிகிச்சை அளித்தும் அவரது உயிரை காப்பாற்ற முடியவில்லை என்றும், மாரடைப்பு காரணமாக அவர் உயிரிழந்திருக்கலாம் என்றும் தெரிவிக்கப்பட்டு உள்ளது.
கிரிக்கெட் ஜாம்பவான் ஷேன் வார்ன் மறைவு, ஒட்டுமொத்த கிரிக்கெட் ரசிகர்களையும் கடும் சோகத்தில் ஆழ்த்தி உள்ளது. அவரது மறைவுக்கு, சமூக வலைதளங்களில் கிரிக்கெட் ஜாம்பவான்கள், இன்னாள் கிரிக்கெட் வீரர்கள், பிரபலங்கள், ரசிகர்கள் உள்ளிட்டோர் இரங்கல் தெரிவித்து வருகின்றனர்.
