வெளிநாட்டுக் கடனைத் திருப்பிச் செலுத்துவதை இலங்கை இடைநிறுத்தியதால், எரிவாயு, எரிபொருள் மற்றும் பிற தேவைகளின் தொடர்ச்சியான விநியோகத்தை அரசாங்கத்தால் உறுதிப்படுத்த முடிந்துள்ளது என்று அமைச்சர் பந்துல குணவர்தன நேற்று தெரிவித்தார்.
கடனளிப்பவர்களுடன் இலங்கை ஒரு உடன்பாட்டுக்கு வர முடிந்ததாகவும் வெளிநாட்டுக் கடன்களை செலுத்தாததற்காக இலங்கைக்கு எதிராக சட்ட நடவடிக்கை எடுக்கப்படுவதைத் தடுத்துள்ளதாகவும் அமைச்சர் கூறினார்.
இலங்கை அடுத்த ஐந்து முதல் ஆறு வருடங்களுக்குள் 37 வீதமான வெளிநாட்டுக் கடனை செலுத்த வேண்டும் எனவும், 51 வீதமான கடன்களை 6 முதல் 21 வருடங்களுக்குள் செலுத்த வேண்டும் எனவும் ஏனைய 12 வீதத்தை 20 வருடங்களின் பின்னர் செலுத்த வேண்டும் எனவும் அவர் கூறினார்.
சர்வதேச நாணய நிதியத்தின் (IMF) விரிவாக்கப்பட்ட நிதி வசதியின் நிதியை இலங்கை மிகக் குறைவாகப் பயன்படுத்தினாலும், 2027 ஆம் ஆண்டில் இலங்கை வெளிநாட்டு கையிருப்பில் 4 பில்லியன் அமெரிக்க டாலர் இடைவெளியை எதிர்கொள்ள வேண்டியிருக்கும் என்று அமைச்சர் கூறினார்.
