சுவிற்சர்லாந்து கோப்பி - சூடான விலையேற்றம் !

கோப்பிக் கலாச்சாரம் இந்நாடுகளில் பொதுவானவையாயினும், ஒரு கோப்பை கோப்பியின் வகையும், சுவையும், விலையும் கூட வேறானவை. சுவிஸ்பிரஜைகள் எங்கிருந்தாலும் சுவிஸ் கோப்பியை விரும்புவார்கள்.

சுவிற்சர்லாந்தில் ஒரு நபர் ஒரு நாளைக்கு மூன்று கப் என்ற எண்ணிக்கையில், வருடத்திற்கு 1,110 கப் காபி குடிப்பதாகத் தரவுகள் தெரிவிக்கின்றன. இது உலகளவில் பத்தாவது இடத்திலும் இத்தாலிக்கு முன்னதாகவும் உள்ளது.

கோவிட் தொற்றுக் காலத்தில், உலகளாவிய ரீதியில் காபி நுகர்வில் வீழ்ச்சி கண்டபோதும், சுவிற்சர்லாந்து தொடர்ந்து காபி நுகர்வில் தளர்வுகண்டதில்லை. சுவிஸில் 75 சத விகித மக்கள் தங்கள் முதல் காபியை காலையில் வீட்டில் குடிப்பதம், 25 சதவிகிதத்தினர் மட்டுமே அலுவலகத்திற்குச் செல்லும் வழியில் அல்லது உண்மையில் வேலை செய்யும் இடத்தில் அதைக் குடிப்பதும் வழக்கமாக இருப்பதும் இதன் காரணமாகலாம்.

சுவிற்சர்லாந்தில் காலை உணவை விட , காலைக் காபி மிகவும் முக்கியமானது. கோப்பிச் செடியை வளர்ப்பதற்கான தட்பவெப்பநிலை இல்லாவிட்டாலும், உலகளாவிய காபி வர்த்தகத்தில் சுவிற்சர்லாந்தின் பங்கு மிகவும் முக்கியமானது. காபிக்கானசெடியை வளர்க்க முடியாத ஒரு நாட்டின் மக்கள் ஏன் அதை மிகவும் விரும்புகிறார்கள் என்பதற்கான பதில் தெளிவாக இல்ல்லாத போதும், காபி கலாச்சார ரீதியாக மிகவும் முக்கியமானது, ஏனெனில் மற்ற நாடுகளில் காபி ஆடம்பர பொருளாக கருதப்படலாம். சுவிட்சர்லாந்தில் இது ஒரு முக்கிய உணவுப் பொருளாகவே கருதப்படுகிறது.

குளிர்ந்த காலநிலை மற்றும் தேயிலை கலாச்சாரம் இல்லாதது ஆகியவை காபியின் பிரபலத்திற்கு பங்களிப்பதாக இருக்கலாம். இரண்டாம் உலகப் போரின் போது உடனடி காபி பிரபலமானது, பின்னர் அது உலகளாவிய முக்கிய உணவாக மாறியது.

ஜேர்மன், பிரெஞ்சு மற்றும் இத்தாலிய கலாச்சார வேறுபாடுகள் வெவ்வேறு சுவிஸ் மொழிப் பகுதிகள் காபி குடிக்கும் விதத்தில் மாறுபடுகின்றன. நாடு முழுவதும்,மூன்றில் இரண்டு பங்கு 62 சதவீதம் அவர்கள் காபியை ஏதேனும் ஒரு பாலுடன் குடிக்கிறார்கள், மீதமுள்ளவர்கள் அதை கருப்பு நிறக் காப்பியாகவே குடிக்கிறார்கள். பிரெஞ்சு மொழி பேசும் குதிகளில் 50 வீதத்திற்கும் குறைவானவர்கள் தங்கள் காபியை பாலுடன் குடிக்கிறார்கள்.

இவ்வாறாக சுவிஸ் மக்களின் அன்றாடத் தேவைகளில் முக்கியமான கோப்பியின் விலை, கோவிட் பெருந் தொற்றினைத் தொடர்ந்து சடுதியாக அதிகரித்துள்ளது. பெட்ரோல், எரிவாயு, மின்சாரத்துக்குப் பிறகு இப்போது காபியின் விலை அதிகமாகியுள்ளது.

கோப்பியின் விலை மட்டுமல்ல, பாஸ்தா, மினரல் வாட்டர், உப்புத் தின்பண்டங்கள் மற்றும் சாக்லேட் போன்ற பிற பொதுவான பொருட்களும் விலை உயர்வினைக் காணவுள்ளது. கோப்பியின் சுவையினை ருசிக்கும் சுவிஸ் பிரஜைகளுக்கு இந்த விலையதிகரிப்பு ரசிக்கத்தக்கதாக இருக்காது.

- 4தமிழ்மீடியாவிற்காக: மலைநாடான்.