இல்லங்களில் அக அழகினைக் கூட்டுவது இல்லக விளக்கு. இல்லக விளக்கிற்குச் சிறப்பான நாளான,கார்த்திகை விளக்கீடு என்பது தமிழர் மரபில் பல ஆயிரம் ஆண்டுகளாகப் பின்பற்றப்படும் மிகப் பழமையான ஒளித் திருநாள்களில் ஒன்றாகும். இந்த நாளில் இல்லங்களில் தீபம் ஏற்றுவது அறிவையும் ஆன்மீகத்தையும் வெளிச்சப்படுத்தும் ஒரு புனிதச் செயல் என்று கருதப்படுகிறது. இந்த மரபின் தோற்றம், அதற்குப் பின்னுள்ள தத்துவம், வழிபாட்டு முறைகள் பற்றிச் சற்று விரிவாகக் காணலாம்.
கார்த்திகை விளக்கீடு என்ன?
கார்த்திகை மாதத்தின் பௌர்ணமி நாளில் வரும் கார்த்திகை நக்ஷத்திரம் தோன்றும் போது இந்த விழா கொண்டாடப்படுகிறது. இந்த நாள் சிவபெருமானின் அருளுருவமான திருவண்ணாமலையில் மகாதீபம் ஏற்றப்படும் நாள் என்பதால் மிகப் பெரிய புனிதம் கொண்டதாகக் கருதப்படுகிறது.
இல்லங்களில் விளக்கேற்றும் மரபின் தோற்றம் :
சிவபெருமான் ஆனந்தத் தீயுருவமாக வெளிப்பட்டதின் நினைவு
சிவன் "அனலானந்த லிங்கம்" போல வெளிப்பட்ட நாள் என்பதால்
அவரது ஒளியை அடையாளப்படுத்தும் வகையில் தீபம் ஏற்றும் வழக்கம் உருவானது.
முருகப் பெருமானின் 6 பொறிகளிலிருந்து ஒருமை அடைந்த நிகழ்வு
ஸ்கந்தர் உருவாக்கத்திற்கான ஆறு கர்த்திகை தேவியரின் பங்கு மற்றும்
ஆறு வடுக்கள் ஒன்றாய் இணைந்த நாள் என்பதால்
"ஒளி" மற்றும் "ஒருமை" என்ற கருத்துக்களைப் போற்றும் மரபாகவும் வளர்ந்தது.
திருவண்ணாமலை தீப விழாவின் தாக்கம்
ஆயிரக்கணக்கான ஆண்டுகளாக நடக்கும் திருவண்ணாமலை தீபவழிபாடு, தமிழகம் முழுவதும் இல்லத்தரசர்களுக்கும் இன்ப உணர்வைத் தந்ததால், அந்நாளில் இல்லங்களில் சிறுதீபம் ஏற்றும் பழக்கம் பரவியது. இல்லங்களில் தீபம் ஏற்றுவதற்கான பொருள்,அறியாமை நீங்கி அறிவொளி பரவட்டும் என்பதற்கானது. தீபம் அறிவின் ஒளி எனக் கருதப்படுகிறது.
அகநானூறு ப்பாடல்களில், “நெய்யினால் ஊற்றிய விளக்கு நோக்கியோர் மனம் தீபம்போல் ஒளிரும்” என்ற கருத்தின்படி, மன ஒளியைப் பிரதிபலிப்பதாக கருதப்படுகிறது.
வீடுகளில் தீபங்கள் ஏற்றப்படுவதனால், தீய சக்திகள் நீங்குவதாக நம்பப்படுகிறது. அது தவிர தீபத்தினால் இடம் சுத்தமடையும், எதிர்மறை அலைவரிசைகள் நீங்கும் என்பது ஒரு மரபார்ந்த நம்பிக்கை. நம் முன்னோர்களின் வழி தொடரும் இந்த மரபில், எப்படித் தீபங்கள் ஏற்றப்படுகின்றன? வீட்டினைச் சுற்றியும், வாசல், ஜன்னல்கள், மேல் மாடியில், கதவு அமைந்த பகுதிகள், என்பவற்றில் எல்லாம் வரிசையாக விளக்குகள் வைத்து ஏற்றுவர்.
கார்த்திகை விளக்கீடு நாளில் வீட்டிலேயே செய்யக்கூடிய முழுமையான பாரம்பரிய வழிபாட்டு மரபின்படி ஏற்றக் கூடிய தீபங்கள், முழுமையாக எரிந்து அணையும் வரை அதை பாதுகாக்க வேண்டும். தீபத்தை வாயினால் ஊதி அணைக்காது, எண்ணெய் குறைந்து தானாக அணைய வேண்டும்.
கார்திகைப் பூரணையில், இல்லங்கள் தோறும் ஏற்றப்படும் தீபங்கள், புற இருளை மட்டுமன்றி, அக இருளையும் அகற்றி, இல்ங்கள்தோறும் சுப சக்தி நிலைநிறுத்தவும், மன அமைதி, ஆரோக்கியம், என்பவற்றுடன், குடும்பத்தில் ஒற்றுமை வளமும் ,தெய்வ அருளும் கிடைக்கட்டும்.
- 4தமிழ்மீடியாவிற்காக: மலைநாடான்
