ஶ்ரீலங்கா பொதுஜன பெரமுன (SLPP) கட்சிக்கு தாங்கள் எதிர்பார்த்த வாக்குகளின் எண்ணிக்கை சரியாக கிடைத்துள்ளதாக அக்கட்சியின் தலைவர் முன்னாள் ஜனாதிபதி மஹிந்த ராஜபக்ஷ தெரிவித்துள்ளார்.
இன்று (16) ஊடகங்களுக்குக் கருத்துத் தெரிவித்த அவர், தேசிய மக்கள் சக்தியின் (NPP) வெற்றி ஒரு நேர்மறையான முன்னேற்றம் என்று கூறினார், அவர்கள் வெற்றிபெற முடியுமா என்பதைப் பார்க்க புதியவர்களுக்கு வாய்ப்பு வழங்கப்பட வேண்டும் என்று குறிப்பிட்டார்.
முந்தைய பொதுத் தேர்தலில் மொத்த வாக்குகளில் 3% ஆக இருந்த NPP 61% ஆக கணிசமான அளவு உயர்ந்தது குறித்து கருத்து தெரிவித்த முன்னாள் ஜனாதிபதி, “இந்த நாட்டு மக்களே வாக்களித்தார்கள், வெளியாட்கள் அல்ல. பொது ஆணையை நாம் மதிக்க வேண்டும் என்று நான் நினைக்கிறேன்... ஒருவேளை [அவர்கள்] வெற்றியடைவார்கள், ஒருவேளை [அவர்கள்] சரிந்துவிடுவார்கள்." என்றார்.
ஊடகவியலாளர் ஒருவர் எழுப்பிய கேள்விக்கு பதிலளித்த ராஜபக்ச, ஸ்ரீலங்கா பொதுஜன பெரமுன ஒருபோதும் கைவிடப் போவதில்லை என்றும், அரசியலில் இருந்து ஓய்வு பெறப்போவதில்லை என்றும், “எந்த அரசியல்வாதி அரசியலில் இருந்து ஓய்வு பெறுகிறார்?” என்று கேட்டார்.
மேலும், கட்சியின் எதிர்கால அரசியல் தொடர்பில் முன்னாள் ஜனாதிபதி ரணில் விக்கிரமசிங்கவுடன் தற்போது எந்த கலந்துரையாடலும் இடம்பெறவில்லை எனவும் அவர் உறுதிப்படுத்தியுள்ளார்.
சமீபத்திய தேர்தல்களில் விக்கிரமசிங்கவுக்கு என்ன நடந்தது என்பது பற்றி அவரது எண்ணங்கள் குறித்து கேட்டபோது, ராஜபக்சே கூறினார்: "நான் அவருக்காக மிகவும் வருந்துகிறேன், அவ்வளவுதான்."
