ஆசிரியர் தேர்வு வாரியம் (டி.ஆர்.பி.) சமீபத்தில் 2022-ம் ஆண்டுக்கான அட்டவணையை வெளியிட்டது.
அந்த வகையில் ஆசிரியர் தகுதி தேர்வுக்கு விண்ணப்பிக்க விரும்புபவர்கள் வருகிற 14-ந் திகதி (திங்கட்கிழமை) முதல் விண்ணப்பிக்கலாம் என்றும், விண்ணப்பிக்க கடைசி திகதி அடுத்த மாதம் (ஏப்ரல்) 13-ந் திகதி என்றும் ஆசிரியர் தேர்வு வாரியம் அறிவித்துள்ளது.
www.trb.tn.nic.in என்ற இணையதளம் மூலம் விண்ணப்பிக்க அறிவுறுத்தப்பட்டு இருக்கிறது. தேர்வை பொறுத்தவரையில் ஆசிரியர் தகுதி தேர்வு தாள்-1, தாள்-2 என்ற அடிப்படையில் நடைபெற உள்ளது. தேர்வு குறித்த அறிவிப்பு பின்னர் தெரிவிக்கப்படும் என அறிவிப்பில் ஆசிரியர் தேர்வு வாரியம் தெரிவித்து இருக்கிறது.
இது தொடர்பான மேலும் விவரங்களுக்கு http://www.trb.tn.nic.in/ என்ற ஆசிரியர் தேர்வு வாரியத்தின் இணையதளத்தில் சென்று தெரிந்து கொள்ளலாம்.
