நவம்பர் மாதத்திற்குரிய பன்னிரு ராசிகளுக்கான பலன்கள் இங்கே தரப்பட்டுள்ளன. 4தமிழ்மீடியா வாசகர்களுக்காக, ஜோதிட நிபுணர் ஸ்ரீகைலாசநாத சிவாச்சாரியார் அவர்கள் எழுதிய இப் பலன்கள் அனைத்தும் கோசார ரீதியான பொதுப் பலன்கள் என்பதனையும், உங்கள் தசாபுத்திகளினடிப்படையிலும், கிரகநிலைகளினடிப்படையிலும், இப் பொதுப் பலன்களில் மாற்றம் காணப்படலாம் என்பதனையும் வாசகர்கள் கருத்திற் கொள்ளவும்.
கிரகமாற்றங்கள்:
நவம்பர் 8ம் திகதி சுக்கிரன் பகவான் தனுசு ராசிக்கு வருகிறார்.
நவம்பர் 16ம் திகதி சூரிய பகவான் விருச்சிகம் ராசிக்கு வருகிறார்.
மேஷம் : (அஸ்வினி, பரணி, கார்த்திகை 1ம் பாதம்)
பலன்: அரசு வழி முயற்சி சாதகமாகும். வியாபாரப் போட்டி விலகும். அரசியல்வாதிகளின் எதிர்பார்ப்பு நிறைவேறும்.செல்வாக்கு உயரும். வழக்கு என சங்கடப்பட்டவர்களின் நிலையில் மாற்றம் ஏற்படும். உழைப்பாளிகளின் நிலை உயரும். உத்தியோகத்தில் இருப்பவர்களுக்கு ஏற்பட்ட பிரச்னை விலக ஆரம்பிக்கும். உடலில் இருந்த சங்கடம் தீரும்.
இழுபறியாக இருந்த வழக்கு சாதகமாகும். நீங்கள் எடுக்கும் முயற்சியில் முன்னேற்றம் அதிகரிக்கும். மாணவர்களுக்கு படிப்பில் அக்கறை உண்டாகும். வரவு அதிகரிக்கும். கடன் கேட்ட இடத்தில் பணம் வரும். வெளிநாட்டு முயற்சி சாதகமாகும். வேலைக்காக வெளிநாடு செல்லும் முயற்சி வெற்றியாகும். தினப்பணியாளர்கள், ஊழியர்களுக்கு உயர்வு உண்டாகும். இதுவரை இருந்த சங்கடம் விலகும்.
பெண்களுக்கு வீட்டில் மதிப்பு, மரியாதை கூடும்.திருமண வயதினருக்கு வரன் வரும். ஒரு சிலருக்கு சொத்து சேரும். குழந்தை பாக்யத்திற்காக காத்திருந்தவர்களுக்கு நல்ல தகவல் வரும்.
சந்திராஷ்டமம்: நவம்பர் 3,4,5
அதிஷ்டம் தரும் வழிபாடு: துர்க்கை அம்மன்
அதிஷ்டமான நிறம்: சிவப்பு
அதிர்ஷ்டமான எண்: 6
ரிஷபம்: (கார்த்திகை 2, 3, 4 பாதங்கள் ரோகிணி, மிருக சிரீஷம் 1, 2, பாதங்கள்)
பலன்: மாத தொடக்கத்தில் திடீரென சில பெரிய செலவுகளை சந்திக்க வாய்ப்புள்ளது. இதனால் தேவையற்ற நிதி சுமை ஏற்படும். குழந்தைகள் தொடர்பாக கவலைகள் ஏற்படும். தொழில் மற்றும் வணிகம் தொடர்பாக பயணங்கள் செல்ல வாய்ப்புள்ளது. புதிய சொத்து வாங்கும் விஷயத்தில் ஆவணங்களை முறையாக சோதிக்கவும். திருமண வாழ்க்கை மகிழ்ச்சி நிறைந்ததாக இருக்கும்.வேலையில் இருந்த சிக்கல்கள் நீங்கும். குடும்பத்தில் உற்சாகமும் குதூகலமும் உண்டாகும்.
பெண்களுக்கு உடல் ஆரோக்கியம் நன்றாக இருக்கும். நல்ல முன்னேற்றம் உண்டாகும். திருமண செய்தி, சுப காரிய செய்தி தேடி வரும்.மகனுக்கோ மகளுக்கோ நல்ல வேலை கிடைக்கும். புது வாய்ப்புகள் தேடி வரும்.பெற்றோர்களின் உடல் ஆரோக்கியத்தில் அக்கறை காட்டுவது அவசியம். வாகன பயணங்களில் கவனம் தேவை. பிள்ளைகள் உடல் ஆரோக்கியத்தில் அக்கறை காட்டுவது அவசியம்.
மாணவர்கள் தேர்வு மற்றும் நேர்காணல்களில் சிறந்து விளங்க வாய்ப்புள்ளது. நுழைவுத் தேர்வு அல்லது போட்டித் தேர்வுகளுக்குத் தயாராகி வருபவர்களும் வெற்றியை எதிர்பார்க்கலாம். வெளிநாட்டு உதவியில் சில தாமதங்கள் ஏற்படும்.
சந்திராஷ்டமம்: நவம்பர் 5,6,7
அதிஷ்டம் தரும் வழிபாடு: லட்சுமி நாராயணர்
அதிஷ்டமான நிறம்: பச்சை
அதிர்ஷ்டமான எண்: 3
மிதுனம்: (மிருக சிரீஷம் 3, 4 பாதங்கள் திருவாதிரை, புனர்பூசம் 1, 2, 3 பாதம்)
பலன்: தொழில் மற்றும் வியாபாரத்தில் உள்ளவர்களுக்கு நீங்கள் நினைத்ததை சாதித்துக் காட்டும் அற்புதமான வாய்ப்புகளை பெறுவீர்கள். கூட்டாளிகளுடன் இருந்து வந்த மனக் கசப்புகள் மறையும். புதிய தொழில் துவங்கும் எண்ணத்தில் இருப்பவர்களுக்கு அனுகூல பலன்கள் உண்டாகும். உத்தியோகத்தில் இருப்பவர்கள் மேலதிகாரிகளை அனுசரித்து செல்வது நல்லது.
மாணவர்களுக்கு படிப்பில் ஆர்வம் ஏற்படும்.குடும்பத்தில் திருமணம் போன்ற சுபகாரியங்கள் நடக்கும். எல்லா வகையிலும் நன்மை ஏற்படும். கணவன் மனைவிக்கிடையே இருந்த மன வருத்தம் நீங்கி மகிழ்ச்சியுடன் காணப்படுவார்கள். பிள்ளைகள் நீங்கள் கூறியதைக் கேட்டு அதன்படி நடப்பது ஆறுதலைத் தரும். தேவையான உதவிகள் தக்க சமயத்தில் கிடைக்கும். தடைபட்ட காரியங்கள் சாதகமாக முடியும். வீண் முயற்சிகளைத் தவிர்ப்பது நல்லது. எதையும் ஆராய்ந்து முடிவுகளை எடுப்பது நல்லது. வேகத்தைக் குறைத்து விவேகமுடன் செயல்படுவது நன்மை தரும். பணவரத்து தாமதப்படும்.
பெரியோர்களிடம் பகைமை பாராட்டுவதைத் தவிர்ப்பது நல்லது.வாடிக்கையாளர்களிடம் வாக்குவாதத்தைத் தவிர்த்து அனுசரித்துப் பேசுவது நல்லது. உத்தியோகத்தில் இருப்பவர்கள் கூடுதல் பணியை கவனிக்க வேண்டி இருக்கும். மேலதிகாரிகளிடமும் சக பணியாளர்களிடமும் அனுசரித்துச் செல்வது நல்லது.பெண்களுக்கு புதிய பொறுப்புக்கள் வந்து சேரும். சிலருக்கு வெளிநாட்டு செல்ல விசா கிடைக்கும்.
சந்திராஷ்டமம்: நவம்பர் 7,8,9
அதிஷ்டம் தரும் வழிபாடு: சிவபெருமான்
அதிஷ்டமான நிறம்: நீலம்
அதிர்ஷ்டமான எண்: 5
கடகம்: (புனர் பூசம் 4ம் பாதம்,பூசம், ஆயில்யம்)
பலன்: வாடிக்கையாளர்களுடனான உங்கள் உறவும் சில கடினமான தருணங்களை சந்திக்கலாம். கூடுதலாக, நினைவாற்றலில் சில சிரமங்களை நீங்கள் சந்திக்க நேரிடலாம் மற்றும் எதிரிகள் மற்றும் போட்டியாளர்களிடமிருந்து தடைகளை எதிர்கொள்ளலாம்.உங்களுக்கான மருத்துவ சிகிச்சைக்காக நீங்கள் அதிகம் செலவழிக்க வேண்டியதில்லை, ஆனால் உங்கள் குடும்ப உறுப்பினர்களின் ஆரோக்கியம் குறித்து நீங்கள் சற்று பதட்டமாக உணரலாம்.
வெளிநாட்டில் படிக்க அல்லது ஆராய்ச்சி நடவடிக்கைகளில் ஈடுபடுவதற்கான வாய்ப்புகள் இருக்கலாம். இந்த நேரத்தில் சில மாணவர்கள் உதவித்தொகை பெறலாம்.வியாபாரம் செய்பவர்கள் ஏற்றத் தாழ்வுகளைச் சந்திக்க நேரிடும். உங்களின் சில முடிவுகள் தவறானவை என்று நிரூபணமாகலாம், அது உங்களுக்கு சிக்கலைத் தரும் ஆனால் சில பழைய முடிவுகள் திடீரென்று உங்களுக்கு நல்ல பலனைத் தரலாம். நிதி ரீதியாக, செலவுகள் இருக்கும், ஆனால் உங்கள் வருமானத்திலும் நல்ல உயர்வைக் காண்பீர்கள்.
குடும்ப வாழ்க்கையில் மகிழ்ச்சியும் அமைதியும் நிலவும். இருப்பினும் உடன்பிறந்தவர்கள் சில பிரச்சனைகளை சந்திக்க நேரிடும்.உத்தியோகம் சார்ந்த முடிவுகளை எடுப்பதில் சில குழப்பங்கள் மற்றும் குடும்ப மோதல்கள் இருக்கலாம். சொத்து முதலீடுகளுக்கான வாய்ப்புகள் கிட்டும்.வெளிநாட்டு வேலைவாய்ப்பு முயற்சியில் முன்னேற்றம் ஏற்படும்.பெண்களுக்கு நிதி நிலைமையில் முன்னேற்றம் ஏற்படும்.
சந்திராஷ்டமம்: நவம்பர் 9,10,11
அதிஷ்டம் தரும் வழிபாடு: விநாயகர்
அதிஷ்டமான நிறம்: வெள்ளை
அதிர்ஷ்டமான எண்: 4
சிம்மம்: (மகம், பூரம், உத்திரம் 1ம் பாதம்)
பலன்: இந்த மாத பிற்பகுதியில் உங்கள் தன்னம்பிக்கை கூடலாம். உடன் பிறந்தவர்களுடன் சில பிரச்சினைகள் உருவாகலாம்.திருமணத்திற்கு வரன் தேடுவோர் தங்கள் முயற்சிகளில் வெற்றி காணலாம். இந்த மாதத்தின் இரண்டாம் பகுதியில் உங்கள் தெளிவற்ற தகவல் தொடர்பு காரணமாக தவறான புரிந்துணர்வு எழலாம்.நீங்கள் வீட்டில் வசதி மற்றும் வாகன வசதிகளை அனுபவிப்பீர்கள்.
உங்கள் வழக்கமான வருமானம் மற்றும் பிற ஆதாரங்கள் மூலம் நல்ல பண வரவைக் காணலாம். உங்கள் உத்தியோக வளரச்சிக்கு இந்த மாதம் சாதகமாக உள்ளது. உங்களில் சிலர் பதவி உயர்வு பெறலாம். சக பணியாளர்களுடன் நல்லுறவைப் பராமரிப்பீர்கள. வேலை சம்பந்தமான பயணங்களை நீங்கள் மேற்கொள்ளலாம். தொழிலைப் பொறுத்தவரை அனுகூலமான பலன்கள் கிட்டும் மாதமாக இந்த மாதம் உள்ளது.
கடந்த கால முதலீடுகளில் இருந்து லாபங்களைப் பெறவும் அவ்வாறு பெற்ற பணத்தை இந்த மாதம் தொழிலில் மறு முதலீடு செய்வதற்கான நல்ல வாய்ப்பு உள்ளது. மாணவர்கள் புத்திசாலித்தனமாகவும் தெளிவாகவும் இருந்தபோதிலும் எதிர்பாராத வெளிப்புற காரணிகளால் குழப்பத்தை உணரலாம்.நீங்கள் உங்கள் ஆரோக்கியத்தை பராமரிப்பதில் கவனம் செலுத்த வேண்டும். மனதை அமைதியாக வைத்துக் கொள்ள முயலுங்கள். அயல்நாட்டு பயணம் சிறப்பாக இருக்கும்.பெண்களுக்கு மனக்குழப்பம் நீங்கும்.
சந்திராஷ்டமம்: நவம்பர் 12,13,14
அதிஷ்டம் தரும் வழிபாடு: பார்வதி அம்பாள்
அதிஷ்டமான நிறம்: ஊதா
அதிர்ஷ்டமான எண்: 7
கன்னி: (உத்திரம் 2, 3, 4 பாதம், அஸ்தம், சித்திரை 1, 2, பாதம்)
பலன்: ஆரம்பத்தில் வேலையில் சில சவால்களை சந்திக்க நேரிடலாம், ஆனால் இறுதியில் அவர்கள் வளர்ந்து வெற்றிபெற வாய்ப்புகள் கிடைக்கும். சிலர் வேறு நாடுகளில் பணிபுரியலாம், மேலும் சிலர் நிரந்தரமாக அங்கு செல்லலாம். வேலை இல்லாதவர்கள் தேர்வுகள் மற்றும் நேர்காணல்கள் மூலம் உற்சாகமான வேலை வாய்ப்புகளைக் காணலாம். விபத்து மற்றும் காயங்களைத் தவிர்க்க வண்டி ஓட்டும் போது கவனம் தேவை. உங்கள் நோய் எதிர்ப்பு சக்தி இந்த மாதம் வலுவாக இருக்கும்.
மாணவர்கள் தங்கள் படிப்பு மற்றும் தேர்வுகளில் அதிக முயற்சி எடுப்பார்கள். சில கன்னி ராசிக்காரர்கள் தங்கள் தேர்வில் சிறப்பாக செயல்படும் போது, மற்றவர்கள் எதிர்பார்த்த வெற்றியை அடைய முடியாமல் போகலாம். வியாபாரத்தில் நிதி வளர்ச்சிக்கான சில சிறந்த வாய்ப்புகளை எதிர்பார்க்கலாம். இருப்பினும், சிலர் இந்த மாதம் பணம் சம்பாதிப்பதற்கான முக்கியமான வாய்ப்புகளை இழக்க நேரிடும்.
குழந்தைப் பேறு தொடர்பான நல்ல செய்திகள் வரலாம். உங்கள் திருமணவாழ்வில் மகிழ்ச்சி அதிகரிக்கும்.தொழில் விஷயங்களில் ஏற்ற இறக்கங்கள் இருக்கும். ஆனாலும், நீங்கள் நல்ல நிலையில் இருப்பீர்கள். வியாபாரம் செய்பவர்கள் கூர்மையான புத்திசாலித்தனத்தின் பலனைப் பெறுவார்கள்.வெளிநாட்டு உதவி கிடைக்கும்.பாஸ்போர்ட் சம்பந்தப்பட்ட விடயங்களில் முன்னேற்றம் ஏற்படும்.
சந்திராஷ்டமம்: நவம்பர் 14,15,16
அதிஷ்டமான வழிபாடு: ஐயப்பன்
அதிஷ்டமான நிறம்: பிறவுன்
அதிர்ஷ்டமான எண்: 8
துலாம்: (சித்திரை 3, 4 பாதம், சுவாதி, விசாகம் 1, 2, 3ம் பாதம்)
பலன்: வியாபாரம் செய்பவர்களுக்கு அதிக முதலீடுகளை போட்டு அதிக லாபத்தை ஈட்டுவர். ஒரு சிலர் வெளியூர் பயணம் மேற்கொள்வர். அதன் மூலம் தாங்கள் லாபத்தை ஈட்டுவர். குடும்பத் தலைவிகள் தங்கள் கணவர் வீட்டாருடன் இருந்து வந்த பிரச்சினைகள் தீர்ந்து மீண்டும் பேச்சுவார்த்தை செய்து சமாதானமாவார்கள்.மாணவர்கள் எதிர்பார்த்த மதிப்பெண்களை பெற்று விடுவர். வெளி நண்பர்களிடம் சற்று கவனமுடன் பழகுவது நல்லது. பெற்றோர்களின் சொல்படி நடப்பர்.
வியாபாரத்தில் இருந்த தடை விலகும். எதிர்பார்த்த முன்னேற்றத்தை அடைவீர். பணியாளர்கள் உங்களுக்கு ஒத்துழைப்பு தருவர். சிலருக்கு புது சொத்து வாங்க எடுத்த முயற்சி பலன் அளிக்கும்.உடல் நிலையில் இருந்த சங்கடம் விலகும்.
போட்டியாளர் விலகிச் செல்வர். வழக்கு விவகாரம் சாதகமாகும். உற்சாகமாக செயல்பட்டு நினைத்ததை சாதிப்பீர்கள்.வெளிநாடு செல்ல எடுத்த முயற்சி சிலருக்கு பலன் தரும்.நீங்கள் எடுக்கின்ற முயற்சியில் முன்னேற்றம் உண்டாகும். புதிய ஒப்பந்தம் உங்களுக்கு கிடைக்கும். வங்கியில் கேட்டிருந்த பணம் கிடைக்கும்.தினப் பணியாளர்களுக்கு எதிர்பார்த்த வருமானம் வரும். குடும்பத்தில் சந்தோஷமான நிலை இருக்கும்.
சந்திராஷ்டமம்: நவம்பர் 16,17,18
அதிஷ்டம் தரும் வழிபாடு: மகாலட்சுமி
அதிஷ்டமான நிறம்: ஆரஞ்சு
அதிர்ஷ்டமான எண்: 1
விஜய் வெல்வாரா...?
விருச்சிகம்: (விசாகம் 4ம் பாதம், அனுஷம், கேட்டை)
பலன்: சுலபமான வேலை கூட இப்போது இழுபறி ஆகும். எதிரிகள், வியாபார போட்டியாளர் கை மேலோங்கும். உங்கள் வேலைகளில் கவனமாக இருக்க வேண்டும். பிறரை நம்பி எந்தவொரு வேலையினையும் வழங்க வேண்டாம். வரவை விட செலவு அதிகரிக்கும். அரசு வழியில் சிலர் அபராதம் கட்ட நேரும். கவனமாகவும் நேர்மையாகவும் செயல்பட்டால் மட்டும்தான் அனைத்தையும் சமாளிக்க முடியும்.
அனைத்து விவகாரங்களிலும் எச்சரிக்கை தேவை. உத்யோகத்தில் இருப்பவர்கள் வேலை பளுவிற்கு ஆளாவர். வரவேண்டிய பணம் இழுபறியாகும். எதிர்பார்த்த விவகாரம் தள்ளிப் போகும் என்றாலும், இந்த நேரத்தில் லாப ஸ்தானத்தில் சஞ்சரிக்கும் கேது உங்களைப் பாதுகாப்பார். நெருக்கடிகளில் இருந்து மீட்டெடுப்பார். நன்மைகளை அதிகரிப்பார். தெய்வ சிந்தனையும், கோயில் வழிபாடும் இந்த மாதத்தில் உங்களைப் பாதுகாக்கும்.
விவசாயிகள் விளைச்சலில் கவனம் செலுத்த வேண்டும். பணியாளர் எச்சரிக்கையோடு இருக்க வேண்டும். மாணவர்களுக்கு படிப்பில் அக்கறை கூடும்.பெண்களுக்கு வீண் அலைச்சல் ஏற்படும். வெளிநாட்டுக்கு சுற்றுலா செல்ல சிலருக்கு வாய்ப்பு கிடைக்கும்.பொன் பொருள் சேர்க்கை உண்டாகும்.
சந்திராஷ்டமம்: நவம்பர் 19,20,21
அதிஷ்டம் தரும் வழிபாடு: மாரியம்மன்
அதிஷ்டமான நிறம்: சிவப்பு
அதிர்ஷ்டமான எண்: 3
தனுசு: (மூலம், பூராடம், உத்திராடம் 1ம் பாதம்)
பலன்: உறவினர்கள் மற்றும் நண்பர்களுடன் கருத்து வேறுபாடுகள் ஏற்பட வாய்ப்புள்ளது. பொருளாதார நிலை மேம்படும். இந்த மாதம் ஆரோக்கியத்தில் அதிக கவனம் செலுத்த வேண்டும்.உறவினர்கள் வருகையால் வீட்டில் மகிழ்ச்சியான சூழ்நிலை காணப்படும். முன்னேற்றத்துக் கான வழிவகைகள் பிறக்கும். புதிய ஆடை, ஆபரணங்கள் வாங்கும் யோகம் உண்டாகும். பிரிந்திருந்த கணவன் - மனைவி ஒன்று சேரும் வாய்ப்பு ஏற்படும். சிலருக்குக் குழந்தை பாக்கியம் கிடைக்கும்.
புது வீடு, வாகனம் வாங்கும் யோகம் உண்டாகும். திருமண முயற்சிகள் சாதகமாக முடியும். சகோதர வகையில் எதிர்பார்த்த காரியம் அனுகூலமாக முடியும். சிலருக்கு வெளியூரில் இருக்கும் புண்ணியத் தலங்களைத் தரிசிக்கும் வாய்ப்பு ஏற்படும். வராது என்று நினைத்த கடன் தொகை திரும்பக் கிடைக்கும். பழைய கடன்களைத் தந்து முடிக்கும் வாய்ப்பு ஏற்படும். வழக்குகளில் சாதகமான போக்கு ஏற்படும்.
தொழில் மற்றும் வியாபாரத்தில் லாபம் எதிர்பார்த்ததை விடவும் குறைவாகவே கிடைக்கும். மறைமுக எதிரிகளால் பிரச்னைகள் ஏற்படக்கூடும். வியாபாரத்தில் புதிய முயற்சிகள் எதுவும் இந்த மாதம் வேண்டாம். மாதப் பிற்பகுதியில் ஓரளவுக்கு நன்மைகளை எதிர்பார்க்கலாம்.
குடும்பத்தை நிர்வகிக்கும் பெண்களுக்கு மகிழ்ச்சி தரும் மாதமாகவே இருக்கும். மாணவர்களுக்கு திறமை வெளிப்படும்.வெளிநாடுட்டு தொடர்புகள் மேம்படும்.
சந்திராஷ்டமம்: நவம்பர் 21,22,23
அதிஷ்டம் தரும் வழிபாடு: ஆஞ்சனேயர்
அதிஷ்டமான நிறம்: நீலம்
அதிர்ஷ்டமான எண்: 9
மகரம்: (உத்திராடம் 2, 3, 4 பாதம், திருவோணம், அவிட்டம் 1,2 பாதம்)
பலன்: தந்தை வழியில் எதிர்பார்த்த காரியங்கள் அனுகூலமாக முடியும். அரசாங்கக் காரியங்கள் அனுகூலமாக முடியும். வெளியூர்ப் பயணங்களின்போது கைப்பொருள்களை பத்திரமாகப் பார்த்துக்கொள்ளவும். வீட்டில் காணாமல் போன பொருள் திரும்பக் கிடைக்கக்கூடும். தந்தைவழி உறவினர்கள் மூலம் சுபநிகழ்ச்சிக்கான பேச்சுவார்த்தை சாதகமாக முடியும்.
தொழில் மற்றும் வியாபாரத்தில் லாபம் அதிகமாகக் கிடைக்கும். சக போட்டியாளர்களின் மறைமுக எதிர்ப்புகளை முறியடிப்பீர்கள். பங்குதாரர்களுடன் இணக்கமான சூழ்நிலை ஏற்படும். வேலைக்குச் செல்லும் பெண்களுக்கு எதிர்பார்த்த சலுகைகள் கிடைக்கும்.இந்த மாதத்தில் பணம் சம்பந்தமாக உங்களுக்கு எந்த தடையும் இருக்காது. உங்களுக்கு மிதமான செலவுகள் இருக்கலாம் மற்றும் இந்த மாதத்தில் உங்களுக்கு அதிக பண ஆதாயங்கள் இருக்கலாம்.வெளிநாட்டு குடியுரிமையை பெற எடுத்த முயற்சி பலன் அளிக்கும்.
மாணவர்களுக்கு ஆரோக்கியத்தில் கவனம் தேவை.தாயின் உடல்நலனில் கவனம் தேவை. சில காரியங்கள் முடிவடைவது போல் இருந்து கடைசி நேரத்தில் கை நழுவிச் செல்லும். பயணங்களால் அலைச்சல் இருக்குமே தவிர ஆதாயம் இருக்காது. வாங்கிய இடத்தால் சில பிரச்சினைகளை சந்திக்க நேரிடும்.
கலைஞர்களுக்கு நட்பால் நன்மை உண்டு. மாணவ - மாணவிகள், ஆசிரியர்களின் ஆதரவோடு முன்னேற்றம் காண்பர். பெண்களுக்கு குடும்ப ஒற்றுமை பலப்படும். குடியிருக்கும் வீட்டால் ஏற்பட்ட பிரச்சினை அகலும்.
சந்திராஷ்டமம்: நவம்பர் 23,24,25
அதிஷ்டம் தரும் வழிபாடு: தண்டாயுதபாணி
அதிஷ்டமான நிறம்: வெள்ளை
அதிர்ஷ்டமான எண்: 2
கும்பம் :(அவிட்டம் 3, 4 பாதம், சதயம், பூரட்டாதி 1, 2, 3 பாதம்)
பலன்: தொழில் வியாபாரம் திட்டமிட்டபடி நடந்தாலும் சற்று நிதானமாக இருக்கும். சரக்குகளை வாடிக்கையாளர்களுக்கு அனுப்புவதில் தாமதம் ஏற்படலாம். போட்டிகள் தலைதூக்கும். உத்தியோகத்தில் இருப்பவர்கள் கூடுதலான உடல் வேலைப்பளுவால் சோர்வடைவார்கள். குடும்பத்தில் இறுக்கமான சூழ்நிலை அகலும். மனதில் இருப்பதை வெளியில் காட்டிக் கொள்ள மாட்டீர்கள். கணவன், மனைவிக்கிடையில் இணக்கமான போக்கு காணப்படும்.
பெண்களுக்கு வீண்கவலைகள், எதிர்பாராத அலைச்சல் ஏற்படலாம். கலைத்துறையினர் எதையும் திட்டமிட்டு செய்வது நன்மை தரும். அரசியல்துறையினருக்கு அதிர்ஷ்டங்கள் கிடைக்கும். மாணவர்களுக்கு கல்வி பற்றிய பயம் ஏற்பட்டு நீங்கும்.வீட்டிற்கு தேவையான பொருட்கள் சேரும். நம்பிக்கையுடன் காரியங்களில் ஈடுபட்டு வெற்றி காண்பீர்கள்.
மற்றவர்களை நம்பி பொறுப்புகளை ஒப்படைப்பதில் கவனம் தேவை. சிலருக்கு அயல்நாட்டுக்கு சுற்றுலா செல்ல வாய்ப்பு கிடைக்கும்.புத்தி சாதூரியத்துடன் காரியங்களை செய்வீர்கள். எதிர்பார்த்த பணம் வரலாம். எதிர்ப்புகள் விலகும். இந்த மாதம் வயிறு சம்பந்தப்பட்ட பிரச்சனைகள் வரலாம்
சந்திராஷ்டமம்: நவம்பர் 26,27,28
அதிஷ்டமான வழிபாடு: நாகபூஷணி அம்மன்
அதிஷ்டமான நிறம்: பிறவுன்
அதிர்ஷ்டமான எண்: 4
மீனம்: (பூரட்டாதி 4ம் பாதம், உத்திரட்டாதி, ரேவதி)
பலன்: நிலுவையில் இருந்த பணம் வந்து சேரும். நீண்ட நாட்களாக வாங்க திட்டமிட்ட வாகனம் சொத்து மற்றும் வீட்டிற்கு தேவையான பொருட்களை வாங்குவதில் ஆர்வம் காட்டுவீர்கள். பயணங்கள் சாதகமான பலன் தருவதாக இருக்கும். எதிர்பாராத அதிர்ஷ்டமும் கிடைக்கலாம். உடல் ஆரோக்யம் உண்டாகும்.
தெய்வ பக்தி அதிகரிக்கும். தொழில் வியாபாரம் சிறப்பாக நடக்கும். பழைய பாக்கிகள் வசூலாகும். எதிர்பார்த்த கடனுதவி கிடைக்கும். வியாபாரத்தை விரிவுபடுத்த முயற்சிகள் மேற்கொள்வீர்கள். உத்தியோகத்தில் இருப்பவர்கள் வேலைபளு குறைந்து மன மகிழ்ச்சியடைவார்கள்.குடும்பத்தில் இதமான சூழ்நிலை காணப்படும். உறவினர்கள் வருகை அதனால் நன்மையும் இருக்கும். கணவன், மனைவிக்கிடையில் நெருக்கம் அதிகரிக்கும்.
பெண்களுக்கு முயற்சிகள் நல்ல பலன் தரும். கலைத்துறையினருக்கு பணவரத்து திருப்தி தரும். அரசியல் துறையினருக்கு புதிய பதவிகள் கிடைக்கும். மாணவர்களுக்கு கல்வியில் முன்னேற்றம் காணப்படும். கஷ்டமாக தோன்றிய பாடங்களை எளிதாக படித்து முடிப்பீர்கள்.வெளிநாட்டு வேலை வாய்ப்பு சிலருக்கு கிடைக்கும்.
சந்திராஷ்டமம்: நவம்பர் 28,29,30
அதிஷ்டமான வழிபாடு: சந்தானகோபாலர்
அதிஷ்டமான நிறம்: ஊதா
அதிர்ஷ்டமான எண்: 5
- 4தமிழ்மீடியாவிற்காக : Astrology Consultant - SrikailasanathaKurukkal SomasundaraKurukkal
