ஜூன் 1ஆம் திகதி ஐக்கிய நாடுகள் சபையின் உணவு மற்றும் வேளாண் அமைப்பால் (FAO) உலக பால் தினம் அனுசரிக்கப்படுகிறது.
உலக பால் தினம் என்பது வெறும் கொண்டாட்டத்தை விட - இது பில்லியன் கணக்கான மக்களுக்கு ஊட்டமளிக்கும் ஒரு முக்கியமான, அணுகக்கூடிய உணவு ஆதாரமாக பாலை அதிகமாக முன்னிலைப்படுத்துகிறது.
எலும்பு ஆரோக்கியம், வளர்ச்சி மற்றும் நோயெதிர்ப்பு செயல்பாட்டை ஆதரிக்கும் அத்தியாவசிய ஊட்டச்சத்துக்களை பால் வழங்குகிறது, இது குழந்தைகள் மற்றும் பெரியவர்கள் இருவருக்கும் சமச்சீர் உணவுகளின் இன்றியமையாத பகுதியாகும். 2001 ஆம் ஆண்டு முதல் ஒவ்வொரு ஆண்டும் ஜூன் 1 அன்று அனுசரிக்கப்படும் உலக பால் தினம், நிலையான விவசாயம், பொருளாதார மேம்பாடு மற்றும் உலகளாவிய ஆரோக்கியத்தில் பால் துறையின் தாக்கத்தை அங்கீகரித்து பொருளாதார நாடுகள், அமைப்புகள் மற்றும் சமூகங்களை ஒன்றிணைக்கிறது.
பால் ஒரு உலகளாவிய உணவு என்பதை உணர்ந்து கொள்ள இதே நாளில் பல நாடுகளில் தனிப்பட்ட மற்றும் தேசிய விழாக்களுக்குக் கூடுதல் முக்கியத்துவம் தரப்படுகிறது.
தேசியப் பொருளாதார மதிப்பை ஊக்குவிப்பதில் கவனம் செலுத்துவதன் முக்கியத்துவம் மற்றும் தேசிய பால் உற்பத்தியில் முக்கிய பங்கு வகிப்பதில் கவனம் செலுத்துவதன் நோக்கம் ஆகியவற்றை உணர்த்த மாரத்தான் ஓட்டம், பண்ணைப் பார்வையிடல், பள்ளி சார்ந்த நடவடிக்கைகள், கச்சேரிகள், நிகழ்ச்சிகள், மாநாடுகள், கருத்தரங்குகள் மற்றும் போட்டிகள் மூலம் பாலின் முக்கியத்துவம் உணர்த்தப்படுகிறது. மேலும் 2017 ஆம் ஆண்டு ஜூன் 1 ஆம் தேதி, பண்ணைத் துறை "ஒரு கோப்பையை உயர்த்துங்கள்" (“Raise a Glass” ) தலைப்பில் சமூக வலைதளங்களில் உலக பால் தினம் (#WorldMilkDay) எனும் பிரச்சார ஹேஸ்டேக் மூலம் ஒரு சிறப்பு பிரச்சாரத்தை கொண்டாடுகிறது.
மேலும் உலக மொத்த பால் உற்பத்தியில் இந்திய பால் விவசாயிகள் 25 சதவீதத்திற்கும் அதிகமாக பங்களிக்கின்றனர். 2022-23 ஆம் ஆண்டில் இந்தியாவில் மொத்த பால் உற்பத்தி 231 மில்லியன் மெட்ரிக் டன்களாக இருந்தது, இது ரூ.11.16 லட்சம் கோடி மதிப்புடையது.
பால்வளம் என்பது அணுகக்கூடிய, மலிவு விலையில், ஆரோக்கிய உணவாக உள்ளமையால் பால்வளத் துறையின் முக்கிய பங்களிப்புகளை கீழ் உள்ள கரும்பொருள்களில் கொண்டாடுகின்றனர்.
*நல்ல உணவு, ஆரோக்கியம் மற்றும் ஊட்டச்சத்து.
*விவசாயிகள் தங்கள் சமூகங்கள், நிலம் மற்றும் அவர்களின் விலங்குகள் மீது பொறுப்புடன் அக்கறை கொண்டுள்ளனர்.
*பால்வளத் துறையில் நிலைத்தன்மை நடைமுறைகள்.
*பால்வளம் பொருளாதார வளர்ச்சி மற்றும் வாழ்வாதாரத்திற்கு எவ்வாறு பங்களிக்கிறது.
இதன் தொடர்பாக மேலும் தெரிந்து கொள்ள : https://worldmilkday.org/
- 4தமிழ்மீடியாவிற்காக : ஹரிணி
