அன்புறவுகளுக்கு வணக்கம் !
எல்லோருக்கும் தங்கள் எல்லைகளுக்குள்ளான விடயங்களே புரியும். உலகின் எல்லாத் திசைகளிலும் நடைபெறுவதை அவதானிக்கும் பத்திரிகையாளனுக்கு மட்டுமே எல்லைகள் தாண்டியும் விடயங்களைப் புரிந்து கொள்ள இயலும்.
ஒரு நல்ல செய்தியாளனுக்கு சாதாரண மனிதர்கள் கண்ணில படாத விடயங்களைக் கண்டு பிடிக்கத் தெரியணும். ஒரு விடயத்தின் மீதான விரிவான பார்வை அவனுக்கு மட்டுமே சாத்தியமாகும்.
புதியவைகளை மற்றவர்களுக்கு அறியத் தரவேண்டுமாயின் அவை குறித்து நாம் அறிந்து கொள்ள வேண்டும் எனும் ஞானத்தினை எப்போதும் நமக்கு நாமே போதித்துத் தொடரும் பயணத்தில் மற்றுமொரு புது முயற்சிதான் "உலா".
எமது வாழ்வின் சுவடுகளை, வரலாற்றின் பதிவுகளை, ஆவணங்களாக, அழகான சித்திரங்களாக, இனிக்கும் இலக்கியமாக, இன்னும் பல புதிய வடிங்களாகப் படைத்திட விரும்பும் எல்லோரையும், வாருங்கள் என வாஞ்சையோடு அழைக்கின்றோம். உங்கள் எண்ணங்களோடு நாற்திசையும், நலமுடனே பவனி வர, உங்களுக்கு உதவிடும் " உலா " அன்ட்ரோய்ட் இயங்கு தள செல்லிடப் பேசிகளுக்கான செயலியாக " உலா" வின் முதலாவது பதிப்பினை இன்று வெளியிட்டுள்ளோம்.வெகு விரைவில் அப்பிள் இயங்கு தள செல்லிடக் கைபேசிகளுக்கான பதிப்பினையும் வெளியிடவுள்ளோம்.
எப்போதும் போல் உங்கள் மேலான ஆதரவினை நல்கி எங்களோடு இணைந்திருங்கள். இன்னும் பல செய்திடலாம் இனிதே பல ஆற்றிடலாம்...
-4தமிழ்மீடியா குழுமம் சார்பாக,
இனிய அன்புடன்
மலைநாடான்
